Kisi haste ko rulana ishq nahi
Rote ko hasana ishq hai
Pursukoon dil ko baichain krna ishq nahi
Baichain dil ko sukoon dena ishq hai
Gusse se sahi ko sahi aur galat kehna, ishq nahi
Pyaar se sahi galat ki pehchaan karana ishq hai
Khud ki zindagi se bhi door kr bandisho me rakhna ishq nahi
Zameen se aasman tak poori duniya ko mehsoos krne dena ishq hai
Kuch krne per wapas wahi milega ye ummeed ishq nahi
Bina ummeed ke krne ki chah ishq hai
Aajkal jo har koi maayna diye jata hai ishq ka, wo ishq nahi
Jo rab apne bando se krta hai wo ishq hai
© Osheen Khan
|